香水DIY99ml自家制专属香水

　　可以调配一支专属自己嘅香水，仲可以系瓶身镭射雕刻自己个想要嘅文字，咁好玩就紧系一定要嚟体验一下，整返支樽香水嚟为自己醒醒神先~

　　今次依个香水DIY工作坊其实系由99ml举辨，佢地系全港首间提供DIY香水调配专门店，既可以有得镭射雕刻，仲可以选择个人喜爱嘅香气，再自己组装整瓶香水，亲手造出独一无二属于自己嘅香味~

　　首先专业调香师会讲解香水基本知识，99ml嘅香水系法国天然嘅原材料，所以佢嘅香味持久度都会维持得好一段时间。而当中有15种独特香味主要系植物性香气，只要我地选择最喜欢嘅2-3种味就可以开始调配香水啦~

　　当然，如果唔知点拣好的话，都可以考虑由专业调香师调配嘅12星座专属香味呀~

　　预设嘅12星座专属香水，樽内仲隐藏唔同星座图案，好特别呀~

　　另外，樽身同盖都可以自由配搭，总之就系一定拣到自己钟意为止~

　　要系15种香味中作出选择，我都真系有点选择困难呀~

　　最后我就拣左两种我一向好钟意嘅香味，茉莉花加依兰依兰。之后就可以系香水L 中合共抽出十滴，睇下咩比例啱自己嘅味道~

　　之后就可以按出比例嘅99ml香水，我嘅比例就系70ml茉莉花再加30ml依兰依兰啦~

　　跟住我就觉得好似做化学实验咁，左沟右沟咁...哈哈哈~

　　最后就可以放倒入专用仪器，将两种香水混合一齐~

　　依个时候就可以系樽上镭射雕刻，我就当然系刻上"KinseyMaMa"啦~

　　一齐准备好就可以做最重要一环，就系将香水入樽啦~

　　再用仪器将香水樽封好~

　　我专属嘅香水话咁快就完成啦~

　　就连包装袋都咁有特式.....正呀~

　　99ml仲设有订造婚宴回礼小礼物，回礼收香水又几特别哦~

　　今次我自己调配嘅味真系好钟意，所以依家日日都喷，有只搅笑猪仲话变得好香，更加钟意我哦！(真系唔知好嬲定好笑啦)